السبت، 14 أبريل، 2007

ندوة وحفل توقيع لوقوف متكرر في دار ميريت







مساء الجمال


يحدث من حين لآخر أن تقام ندوة هنا


وحفل توقيع هناك

أو حفل توقيع هنا


وندوة هناك


من هذا المنطلق يشرفني ويسعدني ويدغدغ مشاعري أن أدعوكم -وأرجو أن تكون دعوة مستجابة- إلى حضور ندوة وحفل توقيع -في آن واحد- لروايتي الأخيرة وقوف متكرر في دار ميريت

وهي دار شهيرة بكتبها الجميلة، التي يرسم أغلفتها فنان جاد، يدعى أحمد اللباد، وصاحبها ناشر فاهم، أسماه والده محمد هاشم


وإذا كنت لا تعرف العنوان فاسأل، وقديما قالوا اللي يسأل ما يتوهش، ولكن بعد أن أثبتت هذه المقولة فشلها، حيث تاه معظم الذين سألوا، يمكنني أن أقص عليكم عنوان ميريت -حيث ستقام الندوة- كما ذكره الرواة الثقات، وهو كالتالي


ستة ب شارع قصر النيل

بجوار سينما ومسرح قصر النيل

ويعتبر في ميدان التحرير

أمام المتحف المصري

وذلك يوم الأربعاء القادم الموافق 18 أبريل

الساعة السابعة مساء

يرجى الحضور قبل الموعد بربع ساعة تجنبا للزحام الناشئ عن الإقبال الشديد الذي من المنتظر أن يحدث أزمة مرورية في وسط البلد

هناك 33 تعليقًا:

عمرو يقول...

الموضوع بصراحة رائع اوي اوي

باسم شرف يقول...

ايه ياعم عاملي فيها كاتب ست كوم

وبتعمل افيهات

موافق وضحكت كمان يلا ياعم بشجع الشباب علي افيهاتهم الحديثة

علي فكرة هتكون ندوة فاجرة لان الراواية تستحق الكثير

وناس كتير بتحب كتاباتك يامحمد

بالتوفيق

دعاء عبده يقول...

على فكره الزحمه بدأت من دلوقت خلاص
إن شاء الله الندوه هتبقى ندوه راااائعه ...لروايه تستحق من الجميع وقفه

god bless you

محمد صلاح العزب يقول...

ازيك يا عم عمرو
موضوع إيه بالظبط
دي دعوة يا زعيم
يعني زي العزومة كده
وابقى تعالى

محمد صلاح العزب يقول...

أهلا أهلا يا معلم باسم
ده من بعض ما عندكم
لكن حكاية انها هتكون ندوة فاجرة دي مقلقة شوية
خصوصا مع نشاط شرطة مكافحة الآداب والفنون

محمد صلاح العزب يقول...

الكاتبة الجميلة دعاء عبده
حمد لله ع السلامة يا قمر
أنا برده حاسس ان الزحمة بدأت
بس خايف تكون الزحمة دي سببها ان الناس عرفت ميعاد الندوة فيعملوا حسابهم وبيهربوا من القاهرة من دلوقتي وعلى يوم الأربعاء هلاقي نفسي وحيد في القاهرة كلها
وشكرا على موضوع ان الرواية تستحق وقفه ده
بس المشكلة لحسن عرفات يزعل
مين زكي جمعه ده؟؟

كراكيب نـهـى مـحمود يقول...

محمد متنساش الشيكولاته كادبوري حجم كبير لان محسن بيحب الشيكولاته الكبيرة على راي محسن في فيلم التوربيني والف مبروك

محمد صلاح العزب يقول...
أزال المؤلف هذا التعليق.
محمد صلاح العزب يقول...

عاوزه إيه يا نهى
شيكولاتة إيه لا سمح الله
وكمان انتي ماتعرفيش ان الكادبوري على رأس قائمة المنتجات التي تجب مقاطعتها
ولا يعني حضرتك عاوزة تاكلي شيكولاته وتستمتعي وإخوانك في العراق وفلسطين في هذه الظروف
منورة يا معلمة
وإيه التوربيني ده
السفاح بتاع العيال
بس ده ما كانش بيحب الشيكولاتة
ده كان بيشد كله كانز
مساء

اميرة هشام يقول...

انا قريت الرواية يامحمد

وهحاول احضر عشان اعرف راي الناس فيها

وعشان امضي الرواية منك

محمد صلاح العزب يقول...

يا سلام يا أميرة دا انتي تنوري
في انتظارك

Lemonada يقول...

الف الف مبروك يا محمد وبتمانالك كل التوفيق، انا حشوف لو روايتك متوافرة في الاردن و بتمنى ان اجدها بس في نفس الوقت لو مالقتهاش لازم انت تبعتلي نسخة و موقع عليها ولما اجي مصر اوعدك حاجي واجيب معايا كيلوا ليمونادة عشان تشرب وتصحصح للرواية الجديدة.
كل الاحترم
ليموناضة

محمد صلاح العزب يقول...

ازيك يا ليمونادة يا جميلة
مليتيلي المدونة كلها ليمون
وبصراحة ما أوعدكيش أوي بموضوع ان الرواية تكون موجودة في الأردن ده
ده أنا أصلا شاكك انها تكون موجودة في القاهرة
عموما ابعتيلي عنوانك وأنا أبعتلك نسخة من الرواية لحد ما تيجي
وشكرا على كيلو الليموناده
مع انها عندنا بالكوباية مش بالكيلو
لكن واضح ان دي فروق جغرافية
وشكرا جدا ليكي

Lemonada يقول...

ها ها ها ضحكتني موت موت موت، انا كانت اقصد انو كيلو ليمون عشان تعصره وتشرب منو حتى تكتب رواية جديدة
دانتى وقعتنى من الضحك

محمد صلاح العزب يقول...

منورة المدونة يا ليمو
دخول متكرر
ده شعارك مع مدونتي
ودي حاجة باسطاني جدا

ويارب تبقي مبسوطة وبتضحكي على طول

khaled يقول...

الموضوع جاامد جدا
وبجد كلماتك رومانسيه اوى
بس فعلا فعلا موضوع مالوش حل
انتا بتجيب الكلام ده منين يا ابنى
بس بجد الكلام أأأأ رومانسى ..اه
رومانسى
اشطه ...ابقى تعال بقه

mohamed kamal hassan يقول...

مبروك يا محمد
وإن شاء الله أكون موجود
وأشارك نهى شوكلاتتها
ولا أقولك
خليهم 2
وبالمناسبة فى شوكلاتات كتيييير فى السوق مش أمريكانى

محمد صلاح العزب يقول...

الأستاذ خالد
واضح ان في سوء تفاهم
ايه هو اللي رومانسي بالظبط
ده إعلان عن ندوة يا أستاذ
ومش عاوزك تفهم غلط لاسمح الله ان في علاقة كده ولا كده ما بيني وبين ندوة
ولا عشان ندوة مؤنث يعني
لأ يا أستاذ عيب جدا
وابقى تعال انت

محمد صلاح العزب يقول...

ازيك يا أستاذ محمد كمال حسن
الروائي القدير
شكرا على نيتك في الحضور على أن يظل هناك شكر لاحق لما تيجي فعلا
وموضوع انك تشارك نهى في شوكلاتتها ده صعب جدا
إلا إذا كنت عاوز تخسر نهى للأبد
لكن أنا أوعدكم اني مش هجيب شوكولاتة حرصا على سلامتكم لأن الشيكولاته كما يشاع عنها بها نسبة من السكر الذي يسبب تسوس الأسنان ويؤدي إلى أمراض أخرى عديدة وقانا الله وإياكم شرها
وسائر بلاد المسلمين
آمين

سهــى زكــى يقول...

ورحمة أمى هاحاول أجى ، بس أنا عندى نهى ، ودى مشكلة ولو تعلمون عظيمة يعنى لو يوم عادى معلش اجى بها ، لكن يوم مشهود زى دا وهايكون فيه كاميرات وتسجيلات وكدا يعنى ، مينفعش اعملك فضايح ، فلو قدرت اتصرف ، هاجى ، مقدرتش ، روحى وقلبى وكبدى ومخى وكل مشاعرى هاتكون حاضرة معاك ، وانشألله بالتوفيق والنجاح اللى انت تستحقه بجد يا محمد يا صلاح يا عزب

محمد صلاح العزب يقول...

براحتك يا سهى
تيجي ماتجيش انا كده كده راضي
لو جيتي طبعا هتنوريني
لكن لو ما جيتيش بلاش تبعتيلي قلبك ومخك وكبدك والحاجات الظريفة دي
لأن دي ندوة يا هانم مش مسمط

lolita يقول...

هاى
قريت الرواية وهى جامدة جدا جدا جدا
خلصتها فى يوم ما قدرتش اسيبها من غير ما اخلصها
احييك على الرواية
ويارب يكون اللى جاية احسن واحسن واحسن برضك ؛)
وهحاول اكون موجودة سلاااااااااااام

محمد هشام عبيه يقول...

أنا شايف الزحمة من هنا .. ياجماعة ماينفعش كده كل واحد هياخد الكتاب.. مش جمعية هي!
من تقدم لتقدم يا أبوحميد ياعسل.. صدقني كان نفسي أجي بس اليوم ده في الساعة دي متفق على زيارة مجاملاتية هرماوية- في الهرم يعني-.. تتعوض إن شاء الله المرات اللي جاية..بس والنبي أبقى هات لي شيكولاتة في الدستور..صباحك فل ويسعد أيامك كلها

محمد صلاح العزب يقول...

ازيك يا لوليتا
أشكرك جدا على رأيك في الرواية
وعلى انك نزلتي بوست كامل عندك عن الندوة
انتي حد جميل
بس موضوع هحاول ده بيضايقني جدا
اطلعي فوق كده هتلاقي التعليقات كلها لناس بيحاولوا
على العموم حاولي
ويكفيكي شرف المحاولة
يا لوليتا

كراكيب نـهـى مـحمود يقول...

مبسوطة انا من اشاعه الشيكولاته اللي انتشرت في اجواء الحياة الادبية والمدونتين
مبروك يا محمد
هيهههههههههههههه

محمد صلاح العزب يقول...

منور وسط البلد يا عم محمد هشام عبية
بس خلي بالك على محفظتك في الزحمة دي كلها
انا بعد الإقبال الهائل ده كله بفكر أعتزل
وروح يا عم الهرم براحتك
وده مش هيزعلني على الإطلاق
لأن في مصدر مسئول رفض ذكر اسمه صرح للمدونة ان ابو الهول قرأ وقوف متكرر ومعجب بيها جدا
وذكر نفس المصدر أن أبو الهول وعد بالحضور إلى الندوة
لو كانت ظروفه تسمح
بس نفس المصدر بيأكد ان مافييييييش شيكولاتااااااه

محمد صلاح العزب يقول...

أنا بفكر يا نهى اني أجيب شيكولاته فعلا
بس انتي بالذات مش هتاخدي
ماشي يا نونو

camera_girl يقول...

نفسسسسسسسسسسسى ااااااااااااااجججججججججى مررررررررررررره من نفسسسسسسىىى....لو حد يجى ياخد بابا كده وولا يحطلو منوم فالأكل وياخوووووودنى

محمد صلاح العزب يقول...

ليه بس يا كاميرا انتي لازم تيجي
أنا هقولك على حل جميل
أحسن من موضوع المنوم
ممكن تجيبي بابا وتيجي
وقوليله ان في شيكولاته بس وأنا متأكد انه هيوافق فورا

camera_girl يقول...

مش فاضيييييييييلللللللللللى...ولا بيرضانى انزل لوحدى وكمان المكان بعيد

نفسى بجد اجى.....بس يا ريت تتصورو وتبعتولى او تنشر صور اللقاء اوعى متصورش ...وانا هجيب انشاء الله لكتاب

محمد صلاح العزب يقول...

معلش يا كاميرا
كنت عاوزك تيجي بس الدنيا كده هنعمل إيه
أشوفك بعدين
وليكي عندي حفل توقبع خاص ليكي لوحدك أول ما يتفع تنزلي واشوفك

سهــى زكــى يقول...

سأيه يا محمد يا صلاح يا عزب اللى انت كاتبه النهارده دا فى الدستور ، مش عيب عليك كدا برضه ، أحنا مش جيران ولا أيه ورغم أنى كنت ناوية أجى بعدما أقنعت نهنوه أنى رايحه ندوة عمو محمد الروائى وخليتها تقعد فى البيت تنضفه وتعمل الاكل على بال ما اروح ، هاضطر اقولها بعد ما ارجع انى روحت ندوة المعلم محمد صلاح الجزار لامؤاخذه ، جامد بجد المقال .. أشكرك جدا جدا حقيقى حاسس بيا

محمد صلاح العزب يقول...

يعني إيه يا سهى
ما فهمتش أي حاجة
أنا كاتب في الدستور معلق على مقالين لمحمد علي إبراهيم
واللي أنا كاتبه ده واحد على مليون من اللي مفروض يترد على اللي هو بيكتبه بيه
دا واحد من بتوع الحكومة زي ما هو وصف نفسه
المهم اوعي تكوني انتي متضايقة من الكلام ده
دا نضال يا زعيمة
ما تتأخريش