الولد الخارج من فوهة المدفع
لن يدخل مرة أخرى
لأن الذين بالداخل كلهم طردوه
فأقسم ألا يجالسهم مرة أخرى
وألا يطارد بناتهم الممسكات بالكشاكيل الملونة
وألا يسرق الوردة الوحيدة المزروعة في إصيصهم الفخاري المكسور
هذا الولد مات أول أمس حينما رن جرس هاتفه
وحين رد
لم يكن هناك أحد
هناك ٩ تعليقات:
البنت الخارجة من قاع النهر
لن تعرف أن ترجع مرة اخرى لأنها ضلت السبيل بعدما جفت كل ينابيع الماء
ولانها لم تعد قابله للذوبان في الماء
عندما حملوها عنوة واعادوها للنهر لم تجدي مقاومتها وقبل أن تلفظ أنفاسها الاخيرة وبصوت خافت حاولت ان تخبرهم أن قطعة شيكولاته قد تجدي نفعا
لكن احد لم يسمعها
صباح الفل يا معلم
الوحدة بتقتل دا كل الي ممكن اقولوا
شكرا يا نهى على إبداعك الموازي
لكن فعلا قطعة شيكولاته قد تجدي نفعا
وخصوصا لو كانت كادبوري
مستنيكي يوم الأربعاء ومعاكي
قطعة قد تجدي نفعا
بس قطعة حلوة كده ماتسترخصيش
الصديقة ليمونادة
اسمك مسكر يدعو إلى الرشف بنهم
الوحدة بتقتل ماشي
بس انتي ممكن تقولي حاجات تانية كتير غير ده
وأي حد من حقه يقعد يتكلم مالا يقل عن ساعة إلا ربع
بس يكون واكل كويس
وفاضي ومافيش أي احتياجات إنسانية بتمنعه من الكلام
وده طبعا لأن الوحدة بتقتل
يا ليموناده
عارف ليه تكلمت على الوحدة عشان نهى قالت عن البنت الخارجة من قاع النهر زي مايكون البنت تايهة وحيدة ومفيش حد بساعدها وانت بتتكلم عن الواد الي مات و ساب الي جرحوا يعني الوحدة والظلم ممكن قتلوا؟ معلش انا يمكن كئيبة بس المشكلة اني مش قدرة اصدق انو الي في المكتب معايا ما كلفوش نفسهم انو حتى يمسلوا عليا عشان حسيب الشغل النهاردة كلهم عرفوا و مفيش اي reaction
;كل الي عملوا بعثوابالبريد اللكتروني اني استقلت وعاوزين كل الي اشتغلتوا من مواد، معلش استحملني بس حاسة نفسي معصورة وليمونادة فاشلة
اجمدي يا ليموناده
اللي ينساك انساه
والتنفيض سيد الأخلاق
والأيام جايه كتير والشغل أكتر
وكتر خير الدنيا
وعلى جنب يا اسطى
وساعات ساعات بحب عمري واعشق الحاجات
وأوفات يا دنيا معاكي بعيش وساعات مابفهمكيش وانتي ولا فاهماني
ومسير الحي يتلاقى
ولايأس مع الحياة ولا حياة لمن تنادي
ماشي؟؟؟؟؟؟؟
first visit to ur blog..but it seems to amazing at all,,i liked this post alot,go on!!
محمد
بجد وجعتني جدا كلماتك
كانها ذات نصل حاد
واكملتها نهي بنصها الموازي
لتصنعا معا
حكاية ذات حدين
جميل جدا
قول كمان
طيب كلاكيت عاشر مرة كلناااااا بلا استثناء و اولهم انا بنتكلم عن الوحدة و المها في حين انا باعتقد جدااااااااااا اننا بنحبها فعلا و بنصادقها و بنخاف نخسرها
الوحدة احساس اعمق من اننا نتحمل خسارته و فقده لصالح اي اخر محتمل و اي بهجة ممكن يسببها وجوده مش عارفة لكن بيتهيالي ان ده السبب في ان اغلبنا مثلا بيحس بالوحدة رغم وجود ناس كتيييييييييير حواليه في الغالب بيكون هو اللي مختارهم و في الغالب بيكونوا كلهم بيحبوه بجد مش عارفة برضه لكن ده ظني هذا و الله اعلم
إرسال تعليق