"جزمة واحدة مليئة بالأحداث"

مجموعة مسرحية جديدة لصديقي المشاغب باسم شرف، صدرت عن دار ميريت مؤخرا وباسم كاتب يعيدنا لزمن الكتاب متعددي المواهب، فهو كاتب قصة ومسرح وسيناريست ومخرج مسرحي، وأحيانا يكتب الشعر، وهو مجنون في ذلك كله له دماغه المنفردة ، اقتربت منه جدا حين سافرنا معا إلى البحرين، العام الماضي قضينا أسبوعا في غرفة مشتركة ، هو كان بيعلي التلفزيون وانا نايم بس مش مشكله ، وده مش هينفي ان مجموعته المسرحية جميلة ومجنونة وحالة خاصة جدا

وقوف متكرر

روايتي الأخيرة صدرت مؤخرا عن دار ميريت ، طبعا مش هينفع أقول انها رواية جامدة جدا ولا أي حاجة من النوع ده، لكن عموما في أجزاء منها منشورة على البلوج و(العينة بينة) أرجو أن تقرءوها كاملة وتعجبكم، احرص على اقتناء نسختك من الآن، وسلم لي على التوربيني، لكن أنا عايز أقول اني سعيد جدا بالرواية؛ لأنها رغم صدورها منذ أقل من شهر ، فقد تلقيت عليها ردود أفعال طيبة كثيرة جدا بصورة جعلتني أكاد أصدق أن الموضوع حقيقي

مسرحية باسم وروايتي حققوا أعلى مبيعات في ميريت في فترة المعرض، حسب ما نشر بمجلة "صباح الخير" عموما صباح النور

يمكن شراء الرواية والمجموعة المسرحية من دار ميريت 6 ب شارع قصر النيل بوسط البلد من ميدان التحرير جنب سينما ومسرح قصر النيل عدل، ومن أي مكتبة كبرى زي ديوان وآفاق وسندباد بس ده قدام شوية بعد التوزيع

والتهنئة تلغرافيا على البلوج، وعقبال عندكم جميعا،

ممنوع اصطحاب الأطفال والمأكولات

والدخول من غير الملابس... الرسمية طبعا