الأحد، 2 مارس 2008



نمرة غلط


هناك شخص ما، في مكان ما في مصر اسمه: "الحاج سيد العجوز الحلاق".
من حوالي 6 سنوات اشتريت خط الموبايل الذي ما زال معي حتى الآن، أول ما اشتريته لم يكن أحد يكلمني على الإطلاق، وفجأة بعد حوالي 4 أيام رن الموبايل، فكدت من شدة الفرح أن أتركه يرن حتى أستمتع بنغمته الشجية، في النهاية تمالكت نفسي ورددت، جاء الصوت بعيدًا:
- أيوه يا حاج.
- حاج مين يا عم؟
- الحاج سيد.
- سيد مين؟
- سيد العجوز.
- العجوز مين؟
- الحلاّق.
- لأ والله النمرة غلط.
كنت متألما بشدة وأنا أغلق الخط، أول القصيدة نمرة غلط.. طيب.
بعد ذلك لم يكن يمر شهر تقريبا حتى يتصل واحد ويطلب "الحاج سيد"، إلا أن هناك واحدًا طلبني 8 مرات متتالية، بمجرد ما أقفل معه يتصل مرة أخرى، في آخر مرة سألته: انت طالب كام؟
عرفت أن نمرة "الحاج سيد العجوز" تتفق معي في كل الأرقام إلا أن آخر رقمه 9161 وأنا آخر رقمي 6191.
المشكلة أن الحاج سيد له أصدقاء كثيرون مقربون يتصلون بي، وبمجرد أن أرد أجد شتيمة قفزت في أذني، أسترد صوني بعد الصدمة وأقول: نعم؟!
يرد علي الصوت الآخر: مش انت الحاج سيد؟
وقبل أن أرد يغلق السكة في وجهي.
مر وقت طويل جدا منذ كلمني آخر واحد وسأل عن "الحاج سيد"، لدرجة أنني افتقدته بشدة، وصرت مهتما به بطريقة مختلفة، ولأول مرة أحاول تخيله فأتخيل محل حلاقة صغير، بداخله رجل عجوز فعلا، ضئيل الجسد يمزح طوال الوقت مع الزبائن.
تولد لدي إحساس بأن "الحاج سيد" أصابه مكروه.
ضبطت نفسي أكثر من مرة أمسك بموبايلي وأضغط رقم هاتفي عليه كأنني سأكلم نفسي، إلا أنني أعكس الأرقام الأربعة الأخيرة، وأطلب، في اللحظة الأخيرة أغلق الخط قبل أن يعطيه أي رنة؛ لأنني لآ أعرف ماذا سأقول له حين يرد، خصوصا أن هناك احتمالا قويا أن يرد علي شخص آخر تماما ويقول لي:
- النمرة غلط.

هناك 27 تعليقًا:

إبـراهيم ... معـايــا يقول...

حبيت بـــس أفكرك ( سأرسلها لك يا زعيم) ، ولم تفعل ؟؟؟؟؟


لعل المانع خيرًا
***********
وبعدين قصص الموبايلاات دي كترت اليومين دول ، تحياااااااتي

مصطفى محمد يقول...

سلامو عليكو

قلمك -أو اذا جاز التعبير- كيبوردك جميل يا محمد .. و الحكاية دي لذيذة

و بعدين بلاش يا اخي تهجر البلوج كده .. من ساعة يوسف ادريس وانا مستني حاجة

غير معرف يقول...

شبه أرجوك كلمني بتاعة محمود عزت في البلوج بياعه
سامحني يا عزب

غير معرف يقول...

شبه كلمني شكرا بتاعة محمود عزت في البلوج بتاعه
سامحني يا عزب

محمد صبحى يقول...

عودا حميدا يابطل

بلاش تتقل علينا كده

محمد صلاح العزب يقول...

والله يا هيما الموضوع على كمبيوتر البيت
ولا يوجد هناك نت
وعموما يا هيما ده مش قصة ده مقال

محمد صلاح العزب يقول...

ازيك يا مصطفى
والله طحنة الشغل أقوى مني
واديني بحاول

محمد صلاح العزب يقول...

الأخ غير المعرف
محمودعزت شاعر جميل وموهوب وأنا بحبه
وفكرة ان في رقم غلط، أو موبايل في عملين لا يعني تشابهما
وعموما هذا المقال هو أول مقال نشرته في الدستور في عمودي الأسبوعي في شهر 7 عام 2007 أي منذ حوالي 10 أشهر
وهو ما ينفي شبهة أي تأثير أو تأثر عني وعن محمود في بوسته المنشور في فبراير 2008
سامحني انت بقى

محمد صلاح العزب يقول...

الفنان الكبير محمد صبحي
سامحوني ماكنش قصدي

إبـراهيم ... معـايــا يقول...

ههههههههه، ربنا يرجع لك النت على خييير، وبصرعة .....
أنا عارف إن ده مقال مش قصـة :) أنا قصدي (حكاوي) الموبايلات دي كترت
÷÷÷÷÷÷÷÷÷÷÷÷÷÷
تحياتي تاني

karakib يقول...

رايق
و دماغ
انت رايق و دماغ

محمد صبحى يقول...

أعتبر ده إطراء بقى ولا تريقة يامحمد؟

محمد صلاح العزب يقول...

هيما
صباح الفل
ادعي

محمد صلاح العزب يقول...

كراكيب
أنا مش رايق على الإطلاق
بس بحاول

محمد صلاح العزب يقول...

صديقي الجميل محمد صبحي
يا راجل أنا بهزر معاك
لو زعلت هزعل منك

محمد صبحى يقول...

مقبولة منك ياروائى ياعظيم

قشطة

mohmmed يقول...

حلوة يا محمد بجد
بس مش أسهل تتصل برجل وتشوف ماله بصحيح أهو يبقى معروف برضه وبعدين الاسطى سيد فل الحلاقين بيكسبوا اليومين دول بالكوم يا معلم
خالص تحياتي يا جميل
وسلامي للاسطى سيد

د\أسماء علي يقول...

بص اتصل بيه وابقى شوفه ...
واعرف نظامه عشان لمال حد يتصل تعرف ترد يا محمد ههههه
ماتغيبش عن البوستات فترة طويلة كده ..

محمد صلاح العزب يقول...

محمد صبحي
هي دي الروح الجميلة كما ينبغي
قشطة

محمد صلاح العزب يقول...

محمد
اتصلت مرة وقلتله الحاج سيد معايا قال آه
وقبل ما اكمل الخط قطع
فقلت: أحسن
ولم أتصل مرة أخرى

محمد صلاح العزب يقول...

دكتورة أسماء
والله بحاول

we2am يقول...

ebdaaaaaaaaa3
saba7 el foll ya za3em :)

محمد صلاح العزب يقول...

ازيك يا وئام
فينك يا بنتي
حلوة الزيارة الخاطفة دي
بس عاوز أعرف رأيك في الرواية

سارورة يقول...

ههههههههههههههه على فكرة نفس الموضوع كان بيحصل عندنا على تليفون البيت .. المصيبة ان كان عندهم شاب اسمه على اسم اخويا .. وف يوم ناس بتتصل تقول الف مبرووووووووك لمحمد .. رحت قافلة السماعة ومصحية اخويا من عز نومه .. عملتها من ورااااانا يا محمد .. انا قلبى كان حاسس ههههههههه

محمد صلاح العزب يقول...

ازيك يا سارة
سلمي على أخوكي وقوليله انس زعلان عشان ما عزمنيش

شادي أصلان يقول...

اسمحلي اكون من رواد مدونتك دي اول مرة اجي هنا بس واضح وبشدة انها مش هتكون اخر مره ( واضح ليا انا طبعا)
فرصة اهنيك علي الرائعة سرير الرجل الايطالي بجد عجبتني اوي
و المقال دا عجبني لانه حاله
اما بالنسبة لحكاية انه شبة حاجات تاني فموضوع الحاجات الي شبه بعض دي انا ليا في وجهة نظر خاصه
الكلام واحد والافكار ممكن تتشابه بس كل صاحب فكرة متشابه مع التاني لية اسلوب وليه وجهة نظر مختلفة بالتالي يؤدي هذا الي عرض مختلف تماما من حيث المضمون والمقصود والله اعلم
عجبتني اوي كمان وقوف متكرر
معلش رغيت كتير اوي

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片,A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情