الجمعة، 3 أغسطس، 2007

كاملا



اللي عنده دم


أول ما أنزل إلى أي ميدان عام وأرى سيارة التبرع بالدم المتنكرة في شكل سيارة
إسعاف بريئة أبتعد بسرعة، حين أطمئن إلى أنني صرت على مسافة آمنة أقف قليلا لأراقب الضحايا.
في مرة كنت سائرا في "حدائق القبة" وإذا برجل طويل جدا ونحيف للغاية يقبض على ذراعي من الخلف ويقول:
- رايح فين يا نجم؟
نظرت له من فوق لتحت ولم أحاول أن أكمل النظرة العكسية من تحت لفوق؛ لأن هذا كان سيستغرق وقتا وأنا متأخر على الشغل، فقلت له:
- وانت مالك انت.
ظل غارزا أصابعه المدببة في ذراعي وقال:
- ممكن ناخد من وقتك دقيقة.تذكرت على الفور برنامج الكاميرا الخفية وفهمت أنني يتم تصويري، سكت وتعاملت معه بلطف شديد، حتى لا أظهر بشكل سيئ أمام الجماهير، حاول بكل الطرق اللزجة أن يقنعني بأن أتبرع بالدم، وعندما رأى أنه لا فائدة مني بدأ يكلمني بطريقة غير لائقة، قال:
- عموما اللي عنده دم هو اللي بيتبرع.
تذكرت نفس الإفيه من فيلم "55 إسعاف"، وحاولت أن أمسك بخناق الرجل الطويل فلم أمسك إلا حزام بنطلونه، دفعني بشدة وقال:
- اتكل على الله يا برنس.
توكلت على الله، مطمئنا إلى أنه لم يصور ما دار بيننا، لأنه لم يسألني:
- تحب تذيع ولا لأ؟
منذ يومين كنت في ميدان المطرية ورأيت السيارة الخبيثة واقفة في منتصف الميدان وامرأة بدينة جدا تقف بجوارها، ابتعدت تماما، واقترب رجل ضئيل الحجم منها، بمجرد أن صار بجوارها هجمت عليه:
- اتفضل يا أستاذ عشان تتبرع.
أصابت الرجل "خضة" شديدة ورجع إلى الخلف بسرعة عندما رآها فردت ذراعيها كأنها ستأخذه بالحضن، فصرخ في وجهها:
- دم إيه يا وليه انتي؟ ده منظر واحد عنده دم.. يعني انتو ماصين دمنا من كل ناحية والشوية المحروقين اللي عندنا كمان عايزين تشفطوهم عشان تبيعوهم.
ثم انتبه إلى منظرها وقد اقتربت منه وأمسكت بقميصه:
- ما تروحي يا ختي انتي تتبرعي.. دا انتي عندك دم يكفي القصر العيني.
ضبطتني المرأة بعينها وأنا واقف أضحك، خفت أن تترك الرجل وتتوجه إليَّ، فأعطيتهما ظهري، ومشيت مهرولا.

هناك 15 تعليقًا:

نفسنا يقول...

ندعوكم لزيارة العدد الثالث من مجلة نفسنا
ومن لدية القدرة على الكتابة ويريد الكتابة معنا يراسلنا
nafsena@gmail.com

سهــى زكــى يقول...

والله يا محمد مسألة الدم دى انا عارفها كويس اوى وعانيت منها معاناة عظيمة ، لكن المشكلة ان الدم ولاد الكلب دول منعرفش بياخدوه ويروحوا بيه فين ، انا ابتديت اشك ان فيه عربيات ملهاش علاقة بالمرة بالاسعاف الحقيقية زيهم زيى الحتة ام 2.5 كدا ،حاجة نيلة منيلة بنيلة ... ارحمنا يارب وابعدهم عن طريقنا قادر يا كريم خاصة ان الموضوع اكبر من مجرد سحب الدم دول بيسحبوا الدم والروح

كرانيش يقول...

والله عملت خير

بس تصدق

ساعات بقول لنفسى انا ماليش دعوه المهم انى اتبرعت

وساعات تانيه اقول لا ماهو جدو لما راح المستشفى باعوله الكيس بسبعين جنيه

تفتكر الصح فين؟؟

Lemonada يقول...

كدة يعني
طب انقل البوست مع التعليقات
يا جماعة انا علقت على الموضوع دة قبلكم كلكم
لما كان الموضوع في مدونة محمد الي اسمها عامود
الحاضر يعلم الغايب
هههههههههه
محمد تعالا على المدونة بتاعتي
ليك هدية
سلام

محمد حماد يقول...

حكاية مضحكه جدا :)
و احنا في الجامعة كنا بنستناهم يغفلواحبه ونقوم سارقين العصير و الفانلات و الكور والهدايا اللي بيضحكوا بيها على الناس اللي بيتبرعوا بالدم
و ده كان ليه فايدتين
أولا بنكسب هدايا من غير ما نتبرع
تانيا كنا بنساهم مساهمة حميدة في تقليل عدد المتبرعين الطيبين
اللي بيضعفوا قدام العصير

محمد حماد

تامر يقول...

كده يا محمد؟
مش عاوز تتبرع بالدم ليه؟
أصلا مش هيقبلوه ... عارف ليه؟
عشان دمك خفيف قوي
والناس محتاجة دم تقيل سكر بره

islam yousef يقول...

جميلة جدا دى أول زياره و مش هاتكون الاخيره

محمد صلاح العزب يقول...

ازيك يا سهى
ما تزعليش أوي كده

محمد صلاح العزب يقول...

كرانيش
قصدك تقولي انك اتبرعتي فعلا قبل كده
انتي مناضلة يا زعيمة

محمد صلاح العزب يقول...

ازيك يا ليمو
كل حقوقك محفوظة ما تخافيش وبالنسبة لموضوع التاجات ده أنا ما بحبوش
لكن عموما أشكرك جدا

محمد صلاح العزب يقول...

ازيك يا ليمو
كل حقوقك محفوظة ما تخافيش وبالنسبة لموضوع التاجات ده أنا ما بحبوش
لكن عموما أشكرك جدا

محمد صلاح العزب يقول...

حماد المرعب
يا لها من زيارة سارة
جامدة جدا الحكاية بتاعتك دي
بدل ما انتوا تتبرعوا بالدم
هم اتبرعوا لكم بعصير

محمد صلاح العزب يقول...

يا أستاذ تامر ربنا يخليك
بس ما تقولش حكاية دمك خفيف دي تاني بدل ما يسحبوا مني لترين بدل لتر واحد عشان مشكلات التركيز
مركز معايا؟

محمد صلاح العزب يقول...

الأستاذإسلام يوسف
شكرا ليك
وشرفني باستمرار

غير معرف يقول...

6K聊天室,080中部人聊天室,聊天室交友,成人聊天室,中部人聊天室,情色聊天室,AV女優,AV,A片,情人薇珍妮,愛情公寓,情色,情色貼圖,情色文學,色情小說,色情,寄情築園小遊戲,AIO交友愛情館,情色電影,一葉情貼圖片區,色情遊戲

言情小說,情色論壇,色情網站,微風成人,成人電影,嘟嘟成人網,成人,成人貼圖,成人交友,成人圖片,18成人,成人小說,成人圖片區,微風成人區,成人網站,免費影片,色情影片,自拍,hilive,做愛,微風成人,微風論壇,AIO

情趣用品,情色,成人,A片,自拍

情趣用品,色情,成人影片,色情影片,免費A片,A片

情趣用品,成人網站,A片下載,日本AV,做愛

情趣用品,美女交友,A片,辣妹視訊,情色視訊

情趣用品,色情聊天室,聊天室,AV,成人電影

A片,aio,av女優,av,av片,aio交友愛情館,ut聊天室,聊天室,豆豆聊天室,色情聊天室,尋夢園聊天室,080聊天室,視訊聊天室,080苗栗人聊天室,上班族聊天室,成人聊天室,中部人聊天室,一夜情聊天室,情色聊天室,情色視訊,美女視訊,辣妹視訊,視訊交友網,免費視訊聊天,視訊,免費視訊,美女交友,成人交友,聊天室交友,微風論壇,微風成人,sex,成人,情色,情色貼圖,色情,微風,聊天室尋夢園,交友,視訊交友,視訊聊天,視訊辣妹,一夜情