الاثنين، ٥ مارس ٢٠٠٧

اشتريته ب830 جنيه من 3 سنين






نوكيا 8310


موبايلي العزيز اتسرق

مش بالظبط، لأني نسيته في الميكروباص، لكن بمجرد ما نزلت والعربية مشيت رنيت عليه من كابينة ميناتل فردت عليا الأخت الفاضلة

الهاتف الذي طلبته خارج نطاق المواضيع

قلتلها شكرا واستنيت لحد ما خلصت بالعربي والانجليزي عشان لو قفلت في وشها ممكن تقول عليا مش شيك

أنا رجعت الخط تاني بس كل الأرقام اللي كانت عليه اتمسحت

لكن اللي فرحني إن نمرتي فضلت زي ما هي

لذا أرجو من كل أصحابي أن يرسلو لي ماسجات بأرقامهم لأنني مقطوع عن الحياة تماما

طبعا الشخص اللي سرق موبايلي ما بيشتغلش حرامي لكن هو لقى فرصة انه يبقى حرامي فقال يجرب من باب يشوف الفكرة عاملة ازاي

عموما ربنا يساهله

بس هو غبي لأني كنت ناوي أجيب حاجة حديثة من الجيل الثالث

بس هو استعجل

هناك ٣ تعليقات:

~ Bato0ot ~ يقول...

allah ye3wad 3alek :D

fakrtny b film el 3ar :D " 7ad yeseb beda3a fel mala7t 15 youm mn gheer ekyas plastic??" :P

وشوشني يقول...

ماشي يا محمد بس كله دلوقتي بيبقى ماشي بيلاقي حاجه قدامه ضايعه يقرر انه يبقى حرامي بس انا كمان حصلي كده نا كمان موبايلي ضاع بنفس الطريقه بس انا كنت ناويه اغيره بس انا زعلت عليه جدا لدرجه ان واحدة صحبتي معاها نفس الموبايل لما بسمع نغماته بعد اعيط عليه

wagdy El-Komy يقول...

معلش يا محمد ربنا يعوضك عليك
بس انت حاطط صورته ليه
دعايه لنوكيا
ولا إبحث مع الشرطة!!!!!!!!!